O 12 de xunho de 2020, o empresario e diplomático venezolano Alex Saab, era retido e finalmente encarcerado de forma ilegal mentres o avión que o conducía de Teherán a Caracas, tras unha viaxe destinada a consolidar a subministración de alimentos e insumos para atender a pandemia a Causa do COVID19, facía unha breve parada para reabastecerse no aeroporto internacional Amílcar Cabral de Cabo Verde. Sen notificación previa por parte da Interpol e sen que pesase orde de arresto algunha sobre a súa persoa –a orde que solicitaba o seu arresto unicamente sería emitida ó día seguinte da súa detención– a misión diplomática venezolana víase interrompida baixo clara inxerencia de Washington, utilizando para iso como mera marioneta ó goberno de Cabo Verde. Coma se dunha macabra broma se tratase, Alex Saab era secuestrado polo imperialismo estadounidense nun aeroporto que levaba o nome dun dos grandes expoñentes da época de independencias en África e líder da loita pola liberación de Guinea-Bissau do dominio colonial dos portugueses.
Os delitos reais polos que pretenden xulgar e condenar a Alex Saab baséanse unicamente no seu traballo de cara a garantir a construción de vivendas de interese social para os venezolanos, as misións humanitarias para abastecer a Venezuela en metade dun bloqueo criminal ou o feito de lograr importantes acordos como axente antibloqueo
A pesar de que claramente a actuación do goberno de Cabo Verde violou os máis elementais principios relativos ós Dereitos Humanos e a que as acusacións provenientes dos Estados Unidos contra o diplomático venezolano apenas podían sosterse máis aló do basto intento por establecer a súa propia visión da xurisdición penal internacional sobre outros pobos, aínda a día de hoxe Alex Saab sofre na súa propia persoa as consecuencias de ser considerado unha peza crave nunha estratexia imperialista destinada a crear una as condicións idóneas para lograr desenvolver unha Guerra xurídica, Lawfare, contra a Revolución Bolivariana de Venezuela. Non nos enganemos, atopámonos ante un claro caso político moi afastado de calquera interese pola xustiza, unha cruzada do imperialismo estadounidense apoiado pola decrecente dereita rexional, na que a vida dun diplomático foi literalmente secuestrada como método para derrubar ó goberno de Nicolás Maduro. Non falamos dun narcotraficante relacionado co uribismo, a necesidade de esclarecer a responsabilidade criminal dun paramilitar proveniente da Escola das Américas, nin dun dises señores matanza que sementa de sangue e dor a Amazonía da man de Bolsonaro. Estamos a falar dun diplomático que realizaba misións humanitarias coas que lograr abastecer a Venezuela de medicamentos e alimentos, tentando deste xeito esquivar as criminais e ilegais sancións que os propios Estados Unidos estableceran previamente contra o país suramericano, cobrándose mediante esa política criminal e inhumana miles de vidas civís ó longo dos anos.
Alex Saab é un empresario que comezou a súa traxectoria laboral en Venezuela no ano 2000 mediante a exportación de moda e que co tempo lograría un papel importante na construción de vivendas sociais no país tras gañar un contrato coa Gran Misión Vivienda Venezuela, unha iniciativa desenvolvida polo líder da Revolución Bolivariana, Hugo Rafael Chávez Frías, mediante a cal se pretende cumprir o fito histórico de construír 5 millóns de fogares para a clase traballadora venezolana, cos que avanzar en xustiza social, compromiso, lealdade, esforzo, amor e esperanza. Un proxecto que avanza na independencia e soberanía de Venezuela e que se vería seriamente afectado pola firma do decreto executivo de Obama que abriu a porta á imposición dun duro paquete de sancións contra a Revolución Bolivariana de Venezuela. Neses duros momentos para o pobo venezolano, Alex Saab traballou de forma decidida para lograr sacar adiante o programa social chamado Comité Locais de Abastecemento e produción (CLAP), unha estratexia mediante a que adquirir e distribuír alimentos subsidiados cos que poder facer fronte ás consecuencias desas duras sancións das que estaba a ser vítima o pobo venezolano.
Os delitos reais polos que hoxe a fiscalía de Miami pretende xulgar e condenar a Alex Saab tras a súa irregular extradición aos Estados Unidos, baséanse unicamente no seu traballo de cara a garantir a construción de vivendas de interese social para os venezolanos, as misións humanitarias para abastecer a Venezuela de medicamentos e alimentos en metade dun bloqueo criminal ou o feito de lograr importantes acordos en relacións bilaterais entre os gobernos como axente antibloqueo, podendo devolverlle así a Venezuela e á xente dese país todo o que previamente lle deron. O delito polo que os Estados Unidos queren xulgar hoxe ó empresario e diplomático venezolano Alex Saab, é o de rebeldía contra o imperialismo estadounidense. O delito de responder con dignidade á chantaxe e a ameaza gringa. O exemplo da dignidade e a conciencia internacionalista que Alex Saab mostrou ó mundo, é algo que Washington non pode permitirse tolerar e polo que o empresario e diplomático venezolano foi vítima de tortura física e psicolóxica por parte das autoridades de Cabo Verde na súa desesperada procura para conseguir unha declaración contra o goberno venezolano.
Non nos enganemos, atopámonos ante un claro caso político moi afastado de calquera interese pola xustiza, unha cruzada do imperialismo estadounidense apoiado pola decrecente dereita rexional, na que a vida dun diplomático foi literalmente secuestrada como método para derrubar ó goberno de Nicolás Maduro
E é probable que precisamente por este motivo, a pesar deste claro escándalo sen precedentes na historia das relacións internacionais, moitos de vostedes descoñecesen ata este momento o nome e a historia de Alex Nain Saab Morán, tal e como quizais tampouco lles resulten familiares os nomes e as loitas de George Ibrahim Abdallah ou Leonard Peltier. Cando un se atreve a desafiar ó Imperio, cando os actos e o exemplo dun home ameazan con poder crear fisuras no relato único e se enfrontan firmemente e con convicción ó imperialismo co interés de lograr avanzar na senda da soberanía e o respecto á liberdade dos pobos, a primeira condena á que debe enfrontarse é a do silencio informativo. Un silencio parcial, cómplice co opresor e que unicamente rompe mediante a solidariedade e a valentía das voces que deciden facer fronte á inxustiza, a barbarie e a manipulación informativa que pretende facer que amemos ó opresor e odiemos ó oprimido. É por todo iso que hoxe pido encarecidamente que sumen as súas voces á campaña internacional para esixir a liberación de Alex Saab, campaña que sen dúbida é tamén a da defensa da dignidade e a soberanía dos pobos que deciden oporse ó inxerencismo e as criminais sancións estadounidenses.
Pola solidariedade dos pobos liberen a Alex Saab, #FreeAlexSaab!