Cúmprese a normativa vixente nos matadoiros do estado espanhol?
O certo é que cada vez están a saír máis casos á luz de graves irregularidades no concernente a benestar animal e seguridade alimentaria. Ata o de agora, desde Equalia publicamos imaxes con cámara oculta de tres matadoiros espanhois diferentes. En todos eles, incumpríanse varias normativas, entre elas benestar animal. En dous dos matadoiros cuxas imaxes publicamos, ademais atopáronse irregularidades na normativa de seguridade alimentaria.
Resulta suficiente esa normativa?
Sempre se lhe pode pedir máis á industria cárnica. O certo que é como mínimo debería aplicarse a normativa, e detectamos que non é sempre é así.
No ano 2016 filtráronse á prensa uns documentos estratéxicos que sinalaban a catro importantes agrupacións cárnicas como autoras dunha trama que tinha como fin manipular a opinión pública, consideran que existe complicidade política e mediática coa industria cárnica?
A OMS fixo público un informe no que declaraban as carnes vermelhas e procesadas como canceríxenas, incluso ponhéndoas no mesmo grupo no que están outros elementos canceríxenos como o tabaco ou o amianto. Por mor diso, a industria cárnica comezou un campanha falando do saudábel desas carnes. A realidade é que hai numerosos estudos científicos que recalcan o excesivo consumo de carne e como iso prexudica a saúde. Desde Equalia, promovemos a redución do consumo de carne, non só polos animais e pola saúde das persoas, senón tamén por loitar contra o cambio climático. A FAO xa declarou que “O sector da gandería é probabelmente a maior fonte de contaminación da auga”.
Reciben os operarios dos matadoiros españois a formación suficiente para desempenhar o seu trabalho?
As imaxes publicadas denotan unha falta tanto de formación como de interese no correcto manexo dos animais en matadoiros. As cámaras de videovixilancia axudarán ós nosos veterinarios para preservar as normativos vixentes en benestar animal e seguridade alimentaria.
Consideran que a precariedade laboral no sector pode influír directamente nas crueis prácticas contra os animais que vostedes denuncian?
Claro, pero independentemente da precariedade laboral no sector e das condicións en que os donos dos matadoiros tratan aos seus trabalhadores, é inadmisíbel provocar tensión e un sufrimento adicional a animais que van ser sacrificados.
Chegaron a filmar como un trabalhador «ourinha» nos currais, incumprindo gravemente as leis en materia de hixiene e sanidade. Existe demasiada laxitude á hora de cumprir certas normas básicas para garantir a seguridade dos consumidores?
É un dos puntos fortes da nosa campanha, evitar que se incumpra a normativa en materia de hixiene. Casos como os que presentamos denotan unha falta de inspeccións e control de hixiene nos matadoiros: trabalhadores manipulando animais mentres fuman, currais cheos de sucidade ou mesmo trabalhadores ourinhando nos currais onde xacen os animais.
Sacrifícanse animais enfermos nos nosos matadoiros?
Nas imaxes publicadas, pódense ver animais enfermos ou que non se sostenhen en pé sendo arrastrados á zona de matanza. Este feito incumpre gravemente a normativa, xa que por lei ditos animais deben ser sacrificados alí onde xacen, sempre baixo a supervisión dun profesional veterinario, que será quen determine se eses animais son aptos para consumo humano ou non.
Cúmprense as normativas relativas á idade de sacrificio dos animais nos matadoiros espanhois?
Non sabemos.
Resulta habitual a fraude na etiquetaxe?
Non podemos xeneralizar, con todo nun dos tres matadoiros que denunciamos algúns cordeiros entraron no matadoiro sen ser identificados. Por lei, todos os animais han de chegar identificados ó chegar ao matadoiro. Ademais, o primeiro matadoiro investigado estivo involucrado nunha investigación do Seprona por presunta fraude na etiquetaxe de ata 15.000 cordeiros de orixe francesa vendidos como espanhois.
Existe demasiado hermetismo na industria cárnica?
Tal e como sinala a OCU “o gran problema é que contamos con poucas fontes independentes e de confianza para informarnos do que fan realmente as companhías e de si cumpren ou non cos seus compromisos”. É necesario contar con organizacións como Equalia que ofrecen este tipo de información ós consumidores.
Son os animais algo máis que unha mercadoría no sistema económico actual?
Os animais han de ser tidos en conta pola súa propia configuración como seres sintientes. Asegurar o maior benestar posíbel é a nosa obrigación.
É compatíbel o actual mercado cárnico coa procura dun menor sufrimento animal?
Dadas as circunstancias actuais, hai entidades que están a proponher alternativas ós produtos de orixe animal, e outras organizacións que nos enfocamos en aumentar o benestar en animais de granxa.
Unha das súas últimas campanhas baséase en imaxes do matadoiro de Villarejo de Salvanés, na Comunidade de Madrid, excepción ou algo máis habitual do que nos imaxinamos?
Non podemos xeneralizar pero o certo é que cada vez están a saír máis casos á luz de incumprimentos e graves irregularidades ó redor de cuestións de benestar animal e seguridade alimentaria. Sexa habitual ou non, consideramos que a normativa ten que cumprirse e tenhen que destinarse os recursos necesarios para o seu cumprimento. Está en xogo non só o benestar dos animais, senón a saúde das propias persoas.
Resulta necesario unha redución no consumo de carne ou con todo deberiamos incidir nunha redución do malgasto alimentario?
Consideramos necesario a redución do consumo de carne. Por saúde, por loitar contra o cambio climático e polos animais. E non o dicimos só nós. Cada vez máis estudos científicos falan da urxencia á hora de actuar neste sentido polo ben das persoas e do noso planeta.
Cunha cifra de negocio de 24.000 milhóns de euros, como cambiar as cousas na industria cárnica?
A industria cárnica está a comprender que ten que apostar polo benestar animal, en consonancia cunha maior demanda do consumidor acerca da transparencia dos produtos que consome. Seguir empuxando á industria cárnica para lograr maiores estándares en benestar animal é necesario, tal e como reflicte a opinión do último Eurobarómetro en referencia ás actitudes dos espanhois cara ó trato que os animais de granxa reciben. Ademais grandes empresas cárnicas están a empezar a investir en produtos vexetais sustitutivos á carne como hamburguesas ou salchichas, de feito xa comercializan este tipo de produtos, que se poden atopar na maior parte de supermercados.